لە نێو کۆمەڵگەی کوردیدا دروشمێک بووەتە باو کە دەگوترێت هەموو کوردێک پارتی بونێک قەرزارە، لێرە ئەو وەڵامە دەدەمەوە بۆچی تاکی کورد دەبێت پارتی بێت یان هێچ نەبێت پشتگیری سیاسەتی پارتی و لایەنگری پارتی بێت، چونکە پارتی دەتوانێک نەوەیەک پەروەردە بکات کە خۆچەماندنەوە و نوکەری و سەر شۆڕی لە پێناو هیچ شتێکدا قبوڵ ناکات، بۆیە زۆرجار دەگوترێت پارتییەکان توندن ڕاسته پارتییەکان وا پەروەردە کراون لە ئاست مافی نەتەوە و خاکدا نەک توندن وەک کێوێکن کە سەر بنارێک دانانوێنن، هەر باردوخێک دێتە پێش لە ئاستی مافی نەتەوە و خاک و خوێنی شه هیدان دواجار پارتی لە بەردەم خەون و خەیاڵ و داوا و خوستە ڕەواکانی خەڵکی کوردستاندا، ڕووسوور و سەربەزانە بەردەوامە لە گەشەپێدانی دونیابینی و پرۆژە و فەلسەفەی ڕەوشنی بارزانیدا، لە سەرخستنی کیانی هەرێمی کوردستان و بە نێودەوڵەتی کردنی دۆزی ڕەوای گەلی کوردستاندا. بۆ خەڵکی کوردستانیش"ڕیبازی بارزانی و پارتی دیموکراتی کوردستان" سیمبولی خەباتی ڕزگاری و ئەنجامدانی گشتپرسی بۆ سەربەخۆیی کوردستان و ئاسۆی دوا ڕۆژێکی پڕشنگدارە، هەر کاتێک مەترسییەک دێتە ڕێگەی گەل و خاک، پارتی یان بەتنیا ڕووبەڕووی دەبێتەوە یان ئەوەڵین خزبە کارتی سوور بەڕووی نەیارەکانی پیشان دەدات.

ئا لێرەوەیە ئێمە وەڵامی ئەو پرسیارە دەدەینەوە بۆچی پارتین؟ ئەندامان و لایەنگران و تێکۆشەرانی پارتی بۆ کوردایەتی پارتین، بۆ بەرگریکردن لە هەبوونی نەتەوەیەک، بۆ گەیشتن بە ئازادی و سەربەخۆیی، پارتی ئاڵا هەڵگری کوردایەتییە و تا ئەو دەمەی پارتایەتی کوردایەتی بێت، پارتین.
پارتی دیموکراتی کوردستان، کە خاوەنی مێژوویەکی پڕ دەستکەوتوو و شازییە، پارتی شۆڕش و بەرخودانە، پارتی ژیاندنەوەی گوتاری ناسیۆنالیزمی کوردی و دروستکردنەوەی شووناسی کوردی و کوردستانییە، پارتی بوونێکی بە هێزی هەیە لە مێژووی بزافی ڕزگاریخوازی گەلی کوردستان دا، لێ پارتی لە مێژوودا نەماوەتەوە، بەردەوامە و هاوکات پارتی ئەمرۆ و ئاییندەیە. لەم جەدەل و ئیرادەی خێر و شەڕەدا، پشت بە ئیردەی گەل و هەوڵی هێزە نیشتمانپەروەرکان و سەرکردە جوامێرەکانی کوردایەتی، پشت بە میراتی دەوڵەمەندی فەلسەفەی بارزان و مێژووی پڕ فیداکاری پارتی دیموکراتی کوردستان جەماوەری بە شەرەفی کوردستان و هێزی پێشمەرگەی نیشتمانپارێز، هیوامان زۆرە بەوەی ئیرادەی خێر و فیداکاری، تەوژمی فیکریی ئازادیخوازان و سەربەخۆخوازان سەردەکەوێت،
بۆیە شەڕی نەتەوە و خاک و مافەکانی گەلی کورد پارتی و ئەمڕۆو داهاتوە