گەڵاو لاسكەكانی سڵق Swiss chard دەوڵەمەندن بە كانزاكانی كالسیۆم، ئاسن، پۆتاسیۆم، زینك، كۆپەر، نایترەیتەكان، لەگەڵ ڤیتامینەكانی A، K، C، B7 (بایۆتین Biotin)، E، هەروەها چەندین ماددەی دژەئۆكسان لە بیتاكارۆتین و فلاڤۆنۆیدەكان كە ڕۆڵی بەرچاویان هەیە بۆ پاراستنی تەندروستی. سوودە تەندروستییەكان: كۆنتڕۆڵكردنی ئاستی شەكری خوێن، بۆیە سڵق سەوزەیەكی گونجاوە بۆ نەخۆشانی شەكرە، باشتركردنی تەندروستی و فرمانەكانی مێشك، ڕێكخستنی ئاستی كۆلیستیڕۆڵی خوێن، باشتركردنی سووڕی خوێن، دابەزاندنی پەستانی خوێن و پاراستنی تەندروستیی دڵ، كەمكردنەوەی ئاستی هەوكردن و فشاری ئۆكسان لە لەشدا، بەهێزكردنی ئێسكەكان و خۆپاراستن لە پووكانەوەی ئێسك بەهۆی ڕێژە بەرزەكەی كانزای كالسیۆم و ڤیتامین K، خۆپاراستن لە كەمخوێنی بەهۆی ڕێژە بەرزەكەی ئاسن و كۆپەر لە گەڵاكانی سڵقدا، خۆپاراستن لە ئەگەری تووشبوون بە چەند جۆرێكی شێرپەنجە، بەتایبەتی شێرپەنجەی كۆڵۆن، پاراستنی تەندروستیی چاو و كەمكردنەوەی گۆڕانەكانی تۆڕەی چاو كە پەیوەستن بە تەمەن AMD، پاراستنی تەندروستیی قژ، هەروەها باشتركردنی تەندروستیی جگەر.