لە 97ـەمین خولی ئۆسكار ژمارەیەكی پێوانەیی تۆمار كرا و ئافرەتان ڕۆڵێكی دیاریان هەبوو

هەروەها فیلمی «ئیمیڵیا پێرێز» -كە زۆرترین پاڵێوراوی هەبوو ئەمساڵ بە 13 پاڵێوراوی- تەنها دوو خەڵاتی بردەوە، ئەوانیش باشترین ئەكتەری پشتگیریكەر و باشترین گۆرانی ڕەسەن.

كۆنان ئۆبراین پێشكەشكاری ئەو ئاهەنگە بوو كە نزیكەی 4 كاتژمێری خایاند، و پێكهاتبوو لە نمایشی میوزیكی «ویكید» و نمایشی گۆرانی ئیلهامبەخشراو لە زنجیرەی جەیمس بۆند و ڕێزلێنانێك بۆ مۆسیقار كوینسی جۆنز.

براوەكانی خەڵاتەكانی ئۆسكار:

باشترین فیلم: Anora

باشترین ئەكتەری پیاو: ئەدریان برۆدی (The Brutalist)

باشترین خانمە ئەكتەر: میكی مادیسۆن (Anora)

باشترین دەرهێنەر: شۆن بەیكەر (Anora)

باشترین خانەمە ئەكتەری پاڵپشت: زۆوی سالدانیا (Emilia Pérez)

باشترین ئەكتەری پیاوی پاڵپشت: كیران كەڵكن (A Real Pain)

باشترین سیناریۆی ڕەسەن: Anora

باشترین سیناریۆی وەرگیراو: Conclave

باشترین فیلمی درێژی نێودەوڵەتی: Im Still Here

باشترین ئەنیمەیشنی درێژ: Flow

باشترین بەڵگەفیلمی درێژ: No Other Land

باشترین میوزیكی فیلم: The Brutalist

باشترین گۆرانیی ڕەسەن: “El Mal” — Emilia Pérez

باشترین وێنەگرتن: The Brutalist

باشترین دیزاینی بەرهەمهێنان: Wicked

باشترین دیزاینی جلوبەرگ: Wicked

باشترین ئارایش و پرچداهێنان: The Substance

باشترین كاریگەریی وێنەكی: Dune: Part Two

باشترین دەنگ: Dune: Part Two

باشترین مۆنتاژ: Anora

باشترین فیلمی ئەكشن: Im Not a Robot

باشترین كورتە ئەنیمەیشن: In the Shadow of the Cypress

باشترین كورتە بەڵگەفیلم: The Only Girl in the Orchestra

بوونی ئافرەتان لە ئاهەنگی ئەم ساڵی ئۆسكاردا

لە ئاهەنگەكەدا ئافرەتان ڕۆڵێكی بەرچاویان هەبوو لە بەدەستهێنانی خەڵاتەكانی باشترین گۆرانیی ڕەسەن، سیناریۆی ڕەسەن و باشترین فیلم ئیدیتینگیان بەدەستهێنا.

گۆرانیی What Was I Made For خانمە هونەرمەند: بێڵی ئێڵش، كە تایبەت بە فیلمی باربی بو، بە باشترین بە گۆرانیی ڕەسەن دیاری كرا و خەڵاتی ئۆسكاری پێ بەخشرا، بەوەش بێڵی تەمەن ٢٢ ساڵ، بووە گەنجترین هونەرمەند كە دوو خەڵاتی ئۆسكاری بەدەست هێنابێت.

هاوكات خانمە ئەكتەر و پرۆدیوسەری ئەمریكی: ئێما ستۆن، ئەكتەری سەرەكیی فیلمی «پور سینگس» بە باشترین ئەكتەری سەرەكیی ئافرەت دیاری كرا و خەڵاتی ئۆسكاری وەرگرت.

خەڵاتی باشترین ڕۆڵی لاوەكیی ئافرەتان بە داڤین جۆی، ئەكتەر لە فیلمی زە هۆڵد ئۆڤە بەخشرا.

جینێفەر لەیم خەڵاتی باشترین فیلم ئیدیتینگی بە دەست هێنا لە فیلمی ئۆپنهایمەردا.

 خەڵاتی باشترین سیناریۆی ڕەسەن، بە هاوبەشی بەخشرا بە جەستن تریت و ئارسەر هەراری بۆ فیلمی «Anatomy of a Fal».

ئەدریان برۆدی ژمارەی پێوانەیی درێژترین وتاری لە ئۆسكاردا شكاند

ئەدریان برۆدی، ڕۆژی یەكشەممە لە كاتی وەرگرتنی خەڵاتی باشترین ئەكتەری ئۆسكاردا، درێژترین وتاری لە مێژووی ئاهەنگەكانی دابەشكردنی خەڵاتەكانی ئۆسكاردا پێشكەش كرد و ژمارەیەكی پێوانەیی شكاند كە بۆ 80 ساڵ پێش ئێستا دەگەڕایەوە.

ئەستێرەی «زە برۆتالیست» چەن»دین جار بەڵێنی دا كە وتارەكەی كورت دەبێت، بەڵام پێنج خولەك و 40 چركەی لەسەر شانۆ بەسەر برد. ئەمەش دە هێندە زیاترە لە ژمارەی پێوانەیی درێژترین وتار كە لە ئۆسكاردا پێشكەش كراوە، كە بۆ وتاری ئەكتەری بەریتانی غریر گارسۆن» لە ساڵی 1943 دەگەڕێتەوە.

بەهۆی وتارەكەی گارسۆنەوە، ئەكادیمیای ئۆسكار بڕیاری دا كاتێكی دیاریكراو بۆ وتارەكانی براوەكان دابنێت و پشت بە میوزیك ببەستێت، بۆ ئەوەی داوایان لێ بكات شانۆكە بەجێ بهێڵن. بەڵام ئەو ئەكتەرەی كە پێشتر لە ساڵی 2003 خەڵاتی ئۆسكاری باشترین ئەكتەری بۆ ڕۆڵبینینی لە فیلمی «زە پیانیست» بەدەست هێنابوو، بە شێوەیەكی كتوپڕ ئۆركسترای بڕی و گوتی: «تكایە میوزیكەكە بوەستێنن، پێشتر ئەمەم كردووە و ئەمە یەكەم هەوڵم نییە، بەڵام وتارەكەم كورت دەكەمەوە»، پێش ئەوەی 90 چركەی دیكە بەردەوام بێت لە قسەكردن.

وتارەكەی لەو ڕووەوە لەگەڵ فیلمی «زە برۆتالیست» دەچوو كە سێ كاتژمێر و 30 خولەك دەخایەنێت.

ئاهەنگی ئۆسكار كە بۆ یەكەمجار «كۆنان ئۆبراین» پێشكەشی كرد، نزیكەی چوار كاتژمێری خایاند، ئەمەش بووە هۆی دروستبوونی بۆچوونی جیاواز. گۆڤاری «ڤارایەتی» وای بۆ چوو كە ئەكتەرە گاڵتەچییەكە لە ئەركی یەكەمیدا سەركەوتوو بوو، لە كاتێكدا گۆڤاری «هۆلیوود ڕیپۆرتەر» وای بۆ چوو كە نمایشەكە « ناهاوسەنگ» بوو.

ژمارەی بینەرانی ڕووداوەكە لە تەلەفزیۆن بە شێوەیەكی سنووردار بەراورد بە ساڵی ڕابردوو دابەزی، بەپێی تۆڕی «ئەی بی سی»، گەیشتە 18.1 ملیۆن بینەر لە سەرتاسەری ئەمریكا، بە بەراورد بە 19.5 ملیۆن بینەر لە ساڵی 2024.

لە سەردەمی پەتای كۆڤید-19، ژمارەی بینەران بۆ 10.4 ملیۆن دابەزی، لە كاتێكدا نزیكەی دە ساڵ پێش ئێستا زیاتر لە 40 ملیۆن كەس سەیری ئاهەنگی دابەشكردنی خەڵاتەكانی ئۆسكاریان دەكرد.