دوای دابڕانێکی کورت بەهۆی کۆچی دوایی دایکییەوە جارێکی دیکە خانمە گۆرانیبێژی تونسی لەتیفا بە چەند بەرهەمێکی هونەری نوێ دەگەڕێتەوە.

لەتیفا لە دیمانەیەکیدا سەبارەت بە بارودۆخی تایبەتی خۆی دەڵێت: لە ماوەی رابردوودا ناخۆشترین ڕۆژ و هەفتە سەختەکانم بەسەر بردووە، دوای ئەوەی دایکم کۆچی دوایی کرد، ژیان سەخت بوو، نەمتوانی گۆرانی بڵێم، یان لە ستۆدیۆ و لەسەر شانۆ بوەستم، بۆ ئەوەی لەگەڵ ژیان و دۆخی نوێدا خۆم بگونجێنم، و لێرەوە سوپاسی هەموو ئەو کەسانە دەکەم کە، پرسە و سەرەخۆشییان پێشکەش کردم تەنانەت ئەوانەی نەیانتوانی ئامادەبن.

سەبارەت بە بەکارهێنانی زیرەکیی دەستکرد لە گۆرانیەکانی ئەلبومە نوێیەکەیدا ڕوونیکردەوە: بەکارهێنانی زیرەکیی دەستکرد بیرۆکەی دەرهێنەر وەلید نەسیف بوو، کە لە چوار ڤیدیۆ کلیپدا پێکەوە کارمان بە بەکارهێنانی ئەم تایبەتمەندییە، ئەویش لە زیرەکیی دەستکرد دەخوێنێت، بۆیە ئێمە 3 مانگە تەواو کاریان لەسەر کردووە بۆ من بیرۆکەکە جیاوازە و بوێرە، و مەترسییەکی هەیە، بەڵام هەرکەسێک لەتیفا بە باشی بناسێت دەزانێت کە من حەز دەکەم کاری مەترسیدار ئەنجام بدەم، و بەبێ ئەنجامدانی کاری مەترسیدار نەدەبووم گۆرانی بڵێم.

سەبارەت بە نیگەرانییەکانی لە زۆر بەکارهێنانی زیرەکیی دەستکرد، وتی: ئەگەر بە شێوەیەکی دروست بەکاربهێنرێت، سوودی دەبێت بۆ هونەر دەبێت بەپێی دیدگایەک و پاساوێک بەکاربهێنرێت، چونکە دووبارەکردنەوەی بەکارهێنانی بەبێ پێویست سوودی بۆ گوێگر یان بینەرە لە ڕووی هونەریەوە.

سەبارەت بە گەڕانەوەی بۆ سینەما، ئاماژەی بەوەکرد: سینەما بۆ من وەک گۆرانی وتن وایە من زۆرم پێ خۆشە و ڕۆژێک تێناپەڕێت بەبێ ئەوەی لانیکەم دوو فیلم ببینم ئەگەر بگەڕێمەوە بۆ نواندن ئەوا دەگەڕێمەوە بۆ سینەما. بەتایبەتی گۆرانی وتن لە سینەما، بەڵام تا ئێستا هیچ کارێک نییە.