خوێندەوەو ناساندنی كتێبی(بارزانی رۆحی چیاكان) بەڕێوەچوو
لە ڕێوڕەسمێكدا خوێندنەوەو ناساندنی كتێبی (بارزانی رۆحی چیاكان) بەڕێوەچوو .
كتێبی(بارزانی رۆحی چیاكان) بە زمانی ئینگلیزی نووسراوەتەوەو بە كۆپییەكی زمانی كوردیش چاپكراوە, لەبارەیەوە(ئاوات مستەفا) نووسەری كتێبەكە گووتی: ئەم كتێبە بەو ئامانجەو بۆ ئەو كەسانە نووسراوە كە زمانی كوردی نازانن لە دەرەوەی ناوچەكانی ڕۆژهەڵاتی ناوەڕاست و جیهانن, هەروەها گوتی كە لە ڕابردوودا بە كتێب و دیكۆمێنتاری دەربارەی خەبات و سەركردایەتی شۆڕشی كوردی (مستەفای بارزانی) بڵاوكرایەوە, بەڵام ئەم كتێبە كە بەشێوەیەكی ئەكادیمی نووسراوەتەوە زیاتر سەرنج دەخاتە سەر لایەنە مرۆڤییەكەی لە ناساندنی (مەلا مستەفای بارزانی) و بنەماڵەی بارزانی لە ڕووی باكگراوندێكی مێژوویی بۆ ناساندنی كەسایەتیەكانی نێو بنەماڵەی بارزانی و شێخ و تەریقەتی بارزانی .
كتێبی(بارزانی رۆحی چیاكان) لە 250 ڵاپەڕە و چوار بەشی جیاواز باس لە جوگرافیاو هەڵكەوتەی ناوچەی بارزان و كاریگەری لەسەر شۆڕشی بارزانییەكان دەكات هەروەها ئەم كتێبە باسێكە بۆ گیڕانەوەی ژیان و بەها مرۆڤایەتییەكانی (مەلا مستەفای بارزانی) .
ئاسۆ كاكەیی
