نایف سەیدۆ، رێڤەبەرێ‌ ناحیا سنوونێ‌ ل قەزا شنگال دیار كر كو: "هەتا نۆكە زێدەتر ژ هزار خێزانێن ئاوارە یێن ڤەگەریاینە سنوونێ‌ و شنگال و پتریا ڤان خێزانێن ڤەگەریان ژی ئەوێن مالێن وان ل ناحیا گرعزێر و كۆمەلگەهێن بسەرڤە ژبەر مین و تەقەمەنیێن تیرۆرستێن داعش نەشیاینە بچنە ناڤ خانیێن خوە دا.

گەلەك ژ خێزانێن ڤەگەریان یێن خەلكێ‌ قوبیلەتێ شنگال نۆكە ل ناحیا سنوونێ‌ ئاكنجیی بووینە. هەتا حالەت هەنە وەلاتیان بخوە ئەرد كرینە وخانی لسەر ئاڤاكرینە ل نێزیك مەزارگەهێ‌ شەرفەدین".

خۆیا ژی كر كو: "هندەك رۆژا هەتا 100 خێزانان ڤەدگەرنە قەزا شنگال لێ‌ هەموو ناچنە ناڤ خانیێن خوە دا ژبەر مەترسیا مین و تەقەمەنیێن تیرۆرستێن داعش خەلك دترسن بچنە ناڤ خانیێ خوە دا بتایبەتی ژی ل گوند و كۆمەلگەهێن قوبیلەتێ شنگال وەكو ناحیا گرعزێر و سیبا شێخدر".

ل رۆژا 3/8/2014 تیرۆرستێن داعش هێرشی سەر شنگال كرن د ئەنجامدا ژی نێزیكێ‌ 360 هزار كەسێن ئێزدی ئاوارە بوون. هەتا نۆكە ژی پتریا وان ناڤ كەمپان دا ل هەرێما كوردستانێ‌ ماینە و نەشیاینە ڤەگەرنە شنگال.











باسنيوز