شاندێکی پەرلەمانی کوردستان سەردانی گەرمیان دەکات و لە بارودۆخی تەندروستیی ئەو دەڤەرە دەکۆڵێتەوە.

بڕیارە ئەمڕۆ چوارشەممە 15-7-2020 شاندەکە، کە لە ئەندامانی لیژنەی تەندروستی لە پەرلەمان پێکدێت، سەردانی دەڤەری گەرمیان بکات.

شاندەکە لەگەڵ بەرپرسانی ئیدارەی گەرمیان کۆدەبنەوە و تاوتوێی هۆکارەکانی بڵاوبوونەوەی پەتای کۆرۆنا لەو دەڤەرە دەکات.

جگە لە رەوشی تەندروستی، بڕیارە شاندەکەی پەرلەمانی کوردستان سەردانی خاڵی سنووریی پەروێزخان بکات و بەدواداچوون بۆ رێککارە خۆپارێزییەکان لەو دەروازە سنوورییە، بکات.

چەند ھەفتەیەکە پەتای کۆرۆنا لە گەرمیان زۆر بە خێرایی تەشەنەی کردووە چەندین کەسیش بەو ھۆیەوە گیانیان لەدەست داوە.












باسنيوز