لە قەزای شەقڵاوەی سەر بە پارێزگای هەولێر بەهۆی تەشەنکردنی ڤایرۆسی کۆرۆناوە بۆ ماوەی هەفتەیەک دەوامی فەرمانگەکان ڕاگیرا.


ئیبراهیم شێخەڵا قایمقامى قه‌زاى شه‌قڵاوه‌ ڕاگه‌یاند: "له‌ سنوورى قه‌زاى شه‌قڵاوه‌ و ناحیه‌كانى سه‌ر به‌ قه‌زاكه‌ ڕێژه‌ى تووشبوون به‌ ڤایرۆسى كۆرونا له‌ به‌رزبوونه‌وه‌دایه‌ بۆ پاراستنى گیانى هاووڵاتیان بڕیاردرا بۆ ماوه‌ى هه‌فته‌یه‌ك بكرێته‌ پشوو".

گوتیشى: "له‌ ماوه‌ى 24 كاژمێرى ڕابردوودا 30 كه‌س لە سنووری شەقڵاوە تووشى ڤایرۆسى كۆرۆنا بوونە و رێژه‌ى تووشبووان گه‌یشته‌ 44 كه‌س".

راشیگه‌یاند: "له‌ رۆژی چوارشەممە‌ 8-7-2020 تاوه‌كو 15-7-2020 لە فەرمانگەکانی سنووری شەقڵاوە کرایە پشوو و دەوام ڕاگیرا و داواش لە دانیشتووانی دەڤەرەکە دەکەین پابەندی رێنماییە تەندروستییەکانی خۆپارێزی لە کۆرۆنا بن".








باسنيوز