وەزارەتی دارایی رێنماییەکی لەبارەی خەرجکردنی مووچە بڵاو کردەوە
لە رێنماییەکەی وەزارەتی دارایی کە تێیدا بڕیاردراوە بە تەموویلکردنی رێژەی ٧٩%ی خەرجییەکانی مووچە و شایستەی دارایی مووچەخۆران و گشت خانەنشینانی گشت وەزارەت و دەستە و لایەنەکانی نەبەستراو بە وەزارەت و سەرجەم سەرۆکایەتی و دامەزراوەکانی هەرێم.
هەروەها بڕیاردراوە بە راگرتنی تەموویلکردنی رێژەی ٢١% کە دەمێنێتەتەوە لەلایەن خودی وەزارەتەکان و دەستە و لایەنەکانی نەبەستراو بە وەزارەت و لایەنە پەیوەندارەکانی دیکە بە شێوەیەکی دادپەروەرانە لەسەر سەرجەم مووچەخۆران و خانەنشینان جێبەجێ دەکرێت.
روونیشکراوەتەوە، کە وەزارەت و دەستە و لایەنەکانی نەبەستراو بە وەزارەت، سەپشکن لە دیاریکردنی رێژەکانی شایستەی دارایی مووچەخۆر و خانەنشین بەپێی تایبەتمەندی و بەپێی ئەم رێنماییە بەمەبەستی بەدیهێنانی دادپەروەری.
باسنيوز
