گوتەبێژی بەڕێوەبەرایەتیی تەندروستیی قەزای زاخۆ ئاشکرای کرد نیوەڕۆی ئەمڕۆ چوارشەممە لە سنووری ناحیەی باتیفای سەر بە زاخۆ تەرمی هاووڵاتییەک دۆزراوەتەوە کە بە شەش گوللە کوژراوە.

لەمبارەوە ئەمیر عەلی، گوتەبێژی بەڕێوەبەرایەتیی تەندروستیی قەزای زاخۆ ڕايگەیاند: "نیوەڕۆی ئەمڕۆ چوارشەممە 2020.6.24 لە سنووری ناحیەی باتیفا تەرمی هاووڵاتییەکی تەمەن 55 ساڵ دۆزراوەتەوە و بۆ توێکاری تەرەمەکە ڕەوانەی پزیشکی دادی زاخۆ کراوە".

گوتەبێژی بەڕێوەبەرایەتیی تەندروستیی قەزای زاخۆ ئەوەشی ئاشکرای کرد: "ئەو هاووڵاتییە تەمەنی ٥٥ ساڵە و خێزاندارە و خەڵکی دەڤەری "گۆلیا"ی سەر بە ناحیەی باتیفایە و بەپێی زانیەرییەکان بە شەش گوللە کوژراوە و پۆلیس سەرقاڵی لێکۆڵینەوە لەو ڕووداەیە".












باسنيوز