بەڕێوەبەری نەخۆشخانەی گشتیی خورماتوو ڕای گەیاند، لە شاری خورماتوو، 25 كەسی دیكە تووشی پەتای كۆرۆنا بوون.

ئەمڕۆ چوارشەممە 24/6/2020، د. ئەحمەد عەلی، بەڕێوەبەری نەخۆشخانەی گشتیی خورماتوو، ڕايگەیاند: "شەوی ڕابردوو، ئەنجامی پشكنینی چەند كەسێك لە خورماتوو گەڕایەوە و دەركەوتووە 25 كەسیان تووشی پەتای كۆرۆنا بوون و ئێستاش لە بەشێكی نەخۆشخانەی گشتیی خورماتوو لەژێر چاودێریی وردی پزیشكیدان".

گوتیشی: "لە خورماتوو پێشتر بە چەند قۆناغێك 48 كەس لە پەتای كۆرۆنا چاك بوونەوە و نەخۆشخانەیان بەجێ هێش، هەروەها تا ئێستا دوو كەس هەر بەهۆی پەتای كۆرۆناوە لە خورماتوو گیانیان لەدەست داوە".











باسنيوز