به‌رپرسێ راگه‌هاندنێ ل رێڤه‌به‌ریا گشتى یا ساخله‌میا پارێزگه‌ها دهۆكێ دیاركركو هه‌تا ئه‌ڤرۆ 23/6/2020ێ ل سنۆرێ پارێزگه‌ها دهۆكێ 36 تووشبوویێن كۆرۆنایێ ناڤ نه‌خۆشخانێ دا ماینه‌ ژوانا ژى ره‌وشا ژنه‌كێ باش نینه‌. هه‌تا نۆكه‌ 118 تووشبوویێن كۆرۆنایێ ب ته‌مامى چاره‌سه‌ربووینه‌.

حه‌مزه‌ ره‌زیكى، به‌رپرسێ راگه‌هاندنێ ل رێڤه‌به‌ریا گشتى یا ساخله‌میا پارێزگه‌ها دهۆكێ دیاركركو: "كه‌ره‌نتینكرنا وه‌لاتیان ژبه‌ر مه‌ترسیا كۆرۆنایێ ل دهۆكێ یا به‌رده‌وامه.‌ هه‌تا نۆكه‌ حه‌فت هزار و 776 كه‌س هاتینه‌ كه‌ره‌نتینكرن ژوانا ژى حه‌فت هزار و 154 كه‌س ژناڤ جهێن كه‌ره‌نتینان ده‌ركه‌ڤتینه‌ یێن چووینه‌ مالێن خوه‌. هه‌تا ئه‌ڤرۆ 23/6/2020ێ ل دهۆكێ 622 كه‌س ناڤ جهێن كه‌ره‌نتینان دا ماینه‌ كو نۆكه‌ ل دهۆكێ 25 جهێن كه‌ره‌نتینكرنێ هه‌نه‌ وبه‌رده‌وام وه‌لاتی دهێنه‌ كه‌ره‌نتینكرن. هه‌تا نۆكه‌ ل دهۆكێ هیچ تووشبوویه‌كێ كورۆنایێ گیانى خوه‌ ژده‌ست نه‌دایه‌".

خۆیا ژى كركو: "هه‌تا نۆكه‌ ل دهۆكێ 26 هزار و 394 پشكنینێن كۆرۆنایێ بۆ كه‌سێن گومانلێكرى هاتینه‌ ئه‌نجامدان. سه‌رجه‌مێ 154 تووشبوویێن كۆرۆنایێ یێن هه‌تا نۆكه‌ ل دهۆكێ هاتینه‌ تۆماركرن 118 ب ته‌مامى چاره‌سه‌ربووینه‌ نها 36 تووشبوویێ ناڤ نه‌خۆشخانێ دا ماینه‌".













باسنیوز