گوته‌بێژی وه‌زاره‌تی ته‌ندروستی حکوومەتی هەرێمی کوردستان ئاماژه‌ به‌ دۆخی كۆرۆنا له‌ سلێمانی ده‌كات و پێی وایه‌ ئه‌وه‌ی هه‌یه‌ هۆكاره‌ نه‌ك ده‌رئه‌نجام.

د.محه‌مه‌د قادر، گوته‌بێژی وه‌زاره‌تی ته‌ندروستی گوتی: "یه‌كێك له‌ كاریگه‌رییه‌ خراپه‌كانی بڵاوبوونه‌وه‌ی ئه‌و نه‌خۆشییه‌ ئه‌و بیروباوه‌ڕه‌ كۆمه‌ڵایه‌تییه‌بوو كه‌ گوتیان كۆرۆنا درۆیه‌ و گه‌یشته‌ كارمه‌ندانی ته‌ندروستی و كه‌سانی گه‌وره‌ و میدیاكان باوه‌ریان نه‌كرد به‌ نه‌خۆشییه‌كه‌، ئەمەش وای كرد خه‌ڵك باوه‌ری نه‌بێت و مه‌ترسی بڵاوببێته‌وه‌".

دەشڵێت: "به‌شێكی ئه‌و ژماره‌ زۆرەی تووشبوون بە کۆرۆنا كاریگه‌ری ئه‌و كاته‌یه‌ كه‌ خه‌ڵك مه‌ترسییه‌كه‌ی به‌هه‌ند وه‌رنه‌گرت و ئه‌و ژماره‌ زۆرەیە ده‌رئه‌نجامی خۆنه‌پارێزییه‌ به‌تایبه‌ت له‌ سلێمانی كه‌ ده‌رئه‌نجامی خۆنه‌پاراستن و به‌ركه‌وتنی به‌رده‌وام دۆخه‌كه‌ی گه‌یانده‌ ئێستا".

گوته‌بێژی وه‌زاره‌تی ته‌ندروستی ئەوەشی خستە روو، هه‌موو هه‌رێمی كوردستان له‌ژێر هه‌ڕه‌شه‌یه‌، به‌ڵام له‌ سلێمانی رێژه‌كه‌ به‌رزه‌ به‌ ئاسانی نایه‌ته‌ خواره‌وه‌.












باسنیوز