چوارەمین حاڵەتی گیانلەدەستدان بە په‌تاى کۆرۆنا لە قەزای (سەیدسادق)ى سنوورى پارێزگاى سلێمانى تۆمار کرا.

له‌مباره‌یه‌وه‌ تەها ئەحمەد، لێپرسراوی ڕاگەیاندنی قایمقامیەتی قەزای سەیدسادق، ڕاگەیاند: "سەرلەبەیانی ئەمڕۆ یه‌كشه‌ممه‌ 21/6/2020، تووشبوویەکی دیکەی کۆرۆنا لە سەیدسادق گیانی لەدەست دا، کە هاووڵاتییەکی دانیشتووی گوندی (گرێزە)ى سه‌ر به‌ قه‌زاكه‌ بوو".

گوتیشی: "ئه‌و كه‌سه‌ى گیانى له‌ده‌ست دا پیاوە و تەمەنی 70 ساڵە، نەخۆشیی درێژخایەنی هەبووە".

لێپرسراوی ڕاگەیاندنی قایمقامیەتی قەزای سەیدسادق ئاماژەی بەوەش دا: "تا ئێستا چوار هاووڵاتی بەهۆی کۆرۆناوە لە سەیدسادق گیانیان لەدەست داوە، كه‌ سەرجەمیان پیاو بوون".










باسنيوز