پەرلەمانتارێکی پارتی دیموکراتی کوردستان رایدەگەیەنێت، بڕیارەکەی سەرۆکی پەرلەمان یەکێکە لە هەوڵەکانی رێگریکردن لە جێبەجێکردنی یاسای چاکسازی.

نزار مەلا غەفار، ئەندامی فراکسیۆنی پارتی لە پەرلەمانی کوردستان رایگەیاند، بڕیارەکەی سەرۆکی پەرلەمان بۆ ھەڵوەشاندنەوەی ھەڵگرتنی پارێزبەندی لەسەر سۆران عومەر، نایاساییە و کاری پێناکرێت.

نزار مەلا غەفار پێیوایە بڕیارەکەی سەرۆکی پەرلەمان یەکێکە لە ھەوڵەکانی رێگریکردن لە جێبەجێکردنی یاسای چاکسازی و رایگەیاند، ”دەیانەوێ بەو بڕیارە رای گشتی بە لاڕێدا ببەن لە جێبەجێکردنی یاساکە“.

ئەو پەرلەمانتارە جەختی لەوە کردەوە، کە ھیچ ھەوڵ و گوشارێک نابێتە ھۆی جێبەجێنەکردنی یاسای چاکسازی و وەک فراکسیۆنی پارتیش، ئەوان پشتگیری جێبەجێکردنی یاساکە دەکەن.













باسنیوز