ل دهۆكێ رەوشا تووشبوویەكا كۆرۆنایێ تێكچوویە
د. مۆئەیەد ئەغالی، سەرپەرشتێ نەخۆشێن كۆرۆنایێ ل پارێزگەها دهۆكێ دیاركركو:" رەوشا تووشبوویەكا كۆرۆنایێ ژنەكا 75 سالی یە تێكچوویە. شەڤا بۆریدا هەتا ئەڤرۆ 18/6/2020ێ ورەوشا وێ ژنا تووشبوویا كۆرۆنایێ جێگیر نەبوویە. نۆكە ئەو تووشبوو ل ژێر چاڤدێریێ دایە و ژەهراویبوونا خوینێ بۆ ڤێ ژنا تووشبوویا كۆرۆنایێ چێبوویە وەكو دیتر هەموو تووشبوویێن دی یێن كۆرۆنایێ باشن بتنێ ئەڤ ژنا 75 سالی تێكچوویە د رەوشەكا نەجێگیر دایە".
حەمزە رەزیكی، بەرپرسێ راگەهاندنێ ل رێڤەبەریا گشتی یا ساخلەمیا پارێزگەها دهۆكێ دیاركركو:" ل دهۆكێ 136 تووشبوویێن كۆرۆنایێ هەتا نۆكە هاتینە تۆماركرن ژوانا ژی 92 تووشبوویێن كۆرۆنایێ ب تەمامی چارەسەربووینە نۆكە 44 تووشبوویێن كۆرۆنایێ ناڤ نەخۆشخانێ دا ماینە هەتا نۆكە زێدەتر ژ 23 هزار پشكنینن كۆرۆنایێ ل دهۆكێ هاتینە ئەنجامدان".
ئاشكەرا كركو هەر ژدەستپێكا بەلاڤبوونا كۆرۆنایێ هەتا نۆكە حەفت ھەزار و 592 كەس هاتینە كەرەنتینكرن ژوانا ژی شەش هزار و903 كەس ژناڤ جهێن كەرەنتینان چووینە مالێن خوە نها 689 كەس ناڤ جهێن كەرەنتینان دا ماینە".
باسنیوز
