سەرلەبەیانی ئەمڕۆ فڕۆکەیەکی نەناسراو چەند شتێکی نامۆی لەسەر ئاسمانی شارەدێی "گاپێڵۆن"ی سەر بە قەزای شارباژێر لە پارێزگای سلێمانی بەر دەداتەوە و بەو هۆیەوە زیان بەدەغڵودانی جووتیاران گەیەندراوە.

بەڕێوەبەرایەتیی شارەدێی گاپیڵۆن، لە ڕاگەیەندراوێکدا، ڕای گەیاندووە: "کاتژمێر ١٠ی سەرلەبەیانی ئەمڕۆ دووشەممە٢٠٢٠/٦/٨ فڕۆکەیەکی نەناسراو چەند شتێکی نامۆی لەسەر ئاسمانی شارەدێی گاپێڵۆن بەر دایەوە".

بەپێی ڕاگەیەندراوەکە: "بەو هۆیەوە ئاگر لە چەند شوێنێک کەوتووەتەوە و زیانی گەیاندووە بە دەغڵودانی هاووڵاتیان".

لەڕاگەیەندراوەکەدا ئاماژە بەوەش دراوە: "هەر بە زوویی ئاگرەکان لەلایەن هاووڵاتیانی شارەدێکەوە کۆنتڕۆڵ کران و ئێستا لە بنکەی پۆلیسی گاپێڵۆن پەڕاوی لێکۆڵینەوە بۆ ڕووداوەکە کراوەتەوە".













باسنيوز