بەرپرسێ‌ راگەهاندنێ‌ ل رێڤەبەریا گشتی یا ساخلەمیا پارێزگەها دهۆكێ‌ دیاركركو سەرجەمێ‌ 91 حالەتێن نەخۆشیا كۆرۆنایێ‌ ل دهۆكێ‌ هەتا ئەڤرۆ 26 ژێ ب تەمامی چارەسەربووینە و چووینە مالێن خوە. نها 65 تووشنبوویێن كۆرۆنایێ‌ دناڤ نەخۆشخانێ‌ دا ماینە.

حەمزە رەزیكی، بەرپرسێ‌ راگەهاندنێ‌ ل رێڤەبەریا گشتی یا ساخلەمیا پارێزگەها دهۆكێ‌ دیار كر كو: "هەتا نۆكە چوو كەسان لدهۆكێ‌ ژبەر كۆرۆنایێ‌ گیانی خوە ژدەست نەدایە بتنێ‌ هەتا شەڤێ‌ ل دهۆكێ‌ 350 كەس ژناڤ جهێن كەرەنتینان چوونە مالێن خوە. بەرامبەر ژی دا 253 كەس هاتنە كەرەنتینكرن لێ‌ ب شێوەیەكێ‌ گشتی رەوشا توشبوویێن كۆرۆنایێ‌ ل دهۆكێ‌ باشە. ئەو كەسێن نۆكە ناڤ نەخۆشخانێ‌ دا بەردەوام چارەسەری وەردگرن. ئەم هیڤیدارین هەموو وەلاتی‌ خوە بپارێزن ژ كۆرۆنایێ‌ ب تەمامی‌ رێنمایان بجه بینن بۆ هندێ‌ خێزان و جڤاكێ مە بهێتە پاراستن ژ نەخۆشیا كۆرۆنایێ‌. نۆكە 65 نەخۆشێن كۆرۆنایێ‌ دناڤ نەخۆشخانێ‌ دا هاتینە نڤاندن و چارەسەری وان دهێتە كرن".

ئاشكەرا كر كو: "هەر ژدەستپێكی هەتا نۆكە ل پارێزگەها دهۆكێ‌ پێنچ هزار و 266 كەس هاتینە كەرەنتینكرن ژوانا ژی چار هزار و 549 كەس ناڤ جهێن كەرەنتینان چووینە مالێن خوە. نۆكە ل دهۆكێ‌ 717 كەس دناڤ جهێن كەرەنتینان دا ماینە".

زێدەتر گۆت:"رۆژانا هژمارەكا پشكنینان بۆ كەسێن گومانلێكری دهێنە كرن. هەتا نۆكە 18 هزار و 144 پشكنینێن كۆرۆنایێ‌ ل دهۆكێ‌ هاتینە ئەنجامدان".










باسنیوز