گوتەبێژی فەرمانگەی تەندروستیی كەركووك ڕای دەگەیەنێت، ئەو هاووڵاتییەی كە بەهۆی پەتای كۆرۆناوە گیانی لەدەست دا بەتەمەن بووە و نەخۆشی هەناسەتەنگیشی هەبووە.

سامان یابە، گوتەبێژی فەرمانگەی تەندروستیی كەركووك ڕایگەیاند: "ئەو كەسەی كە شەوی شەممەی ڕابردوو 30/5/2020، لە نەخۆشخانەی تایبەت بە توشبوانی كۆرۆنا لە كەركووك، گیانی لەدەست دا، پیاوێكی تەمەن 70 ساڵ بووە و دانیشتووی شاری كەركووكە و نەخۆشیی هەناسەتەنگیشی هەبووە و پاشان تووشی كۆرۆناش بووە و رۆژی هەینی رابردوو خرایە ژێر چاودێریی وردی پزیشكی، بەڵام سەرەنجام گیانی لەدەست دا".

گوتیشی: "ئەو پیاوە لەلایەن تیمێكی تایبەتەوە لە كەركووك بە خاك سپێردرا و بەو حاڵەتی مردن بە پەتای كۆرۆنا لە كەركووك، بووە سێیەم حاڵەت".

پیاوكە ناوی (شاكر شكوور)ە و دانیشتووی گەڕەكی غەرناتەی شاری كەركووك بووە و لە نەتەوەی توركمانە.














باسنیوز