ئەمڕۆ پێنجشەممە لقی گەرمیانی سەندیکای کرێکارانی کوردستان داوای لە بەشداربووانی پرۆژەی نیشتەجێبوونی "بان سیتی" كرد، تا ئەو کاتەی دڵنیا دەبنەوە لە کارکردنی سەرجەم تیمەکانی بیناسازی لە پرۆژەکەدا، هیچ بڕە پارەیەک نەدەن بە کۆمپانیاكە.


لقی گەرمیانی سەندیکای کرێکارانی کوردستان لە ئاگادارییەکدا، ڕایگەیاند "هەموو بەشداربووانی پرۆژەی بان سیتی - کۆمپانیای بان و بامۆک ئاگادار دەکەینەوە تا ئەو کاتەی دڵنیا دەبنەوە سەرجەم تیمەکانی بیناسازی کار دەکەن لە پرۆژەکە و تا ئەو کاتەی لیژنەیەک دەنێرن بۆ دڵنیابوون لە چۆنیەتی بەرەو پێشچوونی پرۆژەکە، هیچ بەشداربوویەک پارە نەدات بە کۆمپانیا".


لە ئاگادارییەکەدا ئاماژە بەوەش دراوە كە بە هۆی ئەو بارە ناهەموارەی کوردستان و هەموو جیهان پێیدا تێپەڕ دەبێ، هەموو سێکتەرەکانی حکوومەت و دەوامی دامودەزگا فەرمی و نافەرمیەکان ڕاگیراوە، بەو هۆیەوە ئەوانیش نەیانتوانی لیژنەکانیان بنێرنە سەر پرۆژەکە.


سەندیکای کرێکاران ڕوونیشی کردووەتەوە "تا ئەو کاتەی دەوامی ڕەسمی دەکرێتەوە و ئاسایی ئەبێتەوە و لیژنەیەک بۆ بەرچاوڕوونی و ئاگاداربوون لە پرۆژەکە ئەنێرین هیچ کەسێک قیستی سێیەم نەدات بە کۆمپانیا، هەر کاتێک داوامان کرد ئەتوانن بڕۆن لە بانک لەسەر ژمارە حیسابی خۆتان تەسلیمی بکەن و وێنەیەک لەو چەکەی پێتان ئەدرێتەوە ڕادەستی کۆمپانیای ناوبراو بکەن".


پرۆژه‌ی بان ستی له‌ شاری كه‌لار تایبه‌ته‌ به‌دروستكردنی زیاتر له‌ 700 یه‌كه‌ی نیشته‌جێبوونی 200 پشكی تایبه‌ته‌ به ‌كرێكارانی گه‌رمیان و ئه‌وی تری تایبه‌ته‌ به‌ ئه‌ندازیاران.












باسنیوز