ل بهردهرهش حهفتیهكه تهرمێ گهنجهكێ خهندقى نههاتیه دیتن
مقدم بێوار عهبدولعهزیز پهیڤدارێ بهرهڤانیا باژێرى ل دهۆكێ دیاركرن: ل رێكهفتى 20/5/2020 گهنجهك ب ناڤێ(مستهفا بهختیار عوسمان) كو د ژیێ(18) سالیێ دا یه ، ب مهرهما ئهنجامدانا (مهلهڤانیان) قهستا رویبارێ(زیێ مهزن) كربو ل سنورێ قهزا بهردهرهش و ژ نشكهكێ ڤه د خهندقیت و گیانێ خو ژ دهست ددهت و تهرمێ وى ژى ژ ئاڤا رویبارێ (زیێ مهزن) نههاتیه دهرئێخستن.
پهیڤدارێ بهرهڤانیا باژێرى ل دهۆكێ ئهو چهنده ژى دوپاتكر: ههر ل دهمێ خهندقینا ئهوى گهنجى تا نوكه تیمێن مه ل سنورێ قهزا بهردهرهش و ئاكرێ ل جهێ رویدانێ دهست ب لێگهریانا تهرمێ وى گهنجى كریه لێ ب دلگرانى ڤه ههتا نوكه تهرمێ وى نههاتیه دیتن.
ناڤبرى دوپاتى ل وێ چهندێ ژى كر: ئێك ژ ئهگهرێن بهێز یێن نهدیتنا تهرمێ وى گهنجى ئهو چهنده بوویه، كو ئاڤا رویبارى زیێ مهزن ئاڤهكا (بهێز و بووش بویه) لهورا ههر دهمێ كهسهك د خهندقیت تهرم ل جههكێ دیار كرى نامینیت بهلكو دگهل ئاڤێ دچیته دهڤهرهكا دیتر لهورا دیتنا تهرمهكێ ل ناڤا ئاڤا رویبارهكێ مهزن و بوش و بهێز دا زور جار ب زهحمهت بویه لێ سهرهراى ههمو ئاستهنگان تیمێن مه ل قهزا بهردهرهش ل سهر كارێ لێگهریانا وى تهرمى بهردهوامن و ههلبهت خهلكێ وێ دهڤهرێ ژى روول ههبویه و هاریكارن دگهل تیمێن مه و هیڤیخوازین زوترین دهم ئهم بشێن وى تهرمى ژ ئاڤێ دهربێخین و رادهستى كهس و كارێن وى بكهین.
باسنیوز
