گوتەبێژی تەندروستیی ڕاپەڕین ڕای گەیاند ئەو تووشبووەی کۆڕۆنا کە وەزارەتی تەندروستی باسی کردوە کە لە ڕانیە تووشی کۆڕۆنا بووە، هاوسەری تووشبوویەکی ڤایرۆسەکەیە.

لەمبارەوە تەها محەمەد، گوتەبێژی تەندروستیی ڕاپەڕین ڕایگەیاند: "دوای ئەوەی شەوی ڕابردوو لەلایەن وەزارەتی تەندروستیی حکوومەتی هەرێمی کوردستانەوە، تووشبویەکی تری ڤایرۆسی کۆرۆنا ڕاگەیاندرا، پرسیاری زۆر سەبارەت بە شوێنی ئەو هاووڵاتییە کە هەڵگری ڤایرۆسەکەیە دەکرێت کە لە کوێیەو کێیە".

گوتیشی: "بۆ ئاگاداری هەموو لایەک تووشبوەکە کۆرۆنا خەڵکی شارەدێی حاجیاوایە لە دەڤەری ڕاپەڕین، هاوسەری ئەو ژنەیە کە لە دوو ڕۆژی ڕابردوو ڕاگەیاندرا کە هەڵگری ڤایرۆسەکەیە و لەڕێگەی مەرزی باشماخەوە لە وڵاتی ئێرانەوە گەڕاوەتەوە".

باسی لەوەش کرد، ئێستا خۆی و هاوسەرەکەی کە هەڵگری ڤایرۆسەکەن، لە سلێمانی کەرەنین کراون.












باسنیوز