ل دهۆكێ هەوا بەلاڤكرنا ئاهێن خارنێ ل سەر كێم دەرامەتان هاتە راگەهاندن
د. شێرزاد حەمید، رێڤەبەرێ گشتی یێ رێڤەبەریا چاڤدێری و كۆمەلایەتی دیاركركو:" 50 هزار خێزان ل دهۆكێ یێن هاتینە دەست نیبشانكرن دێ هارێكاریێن حكومەتا هەرێما كوردستانێ ل سەر هەموویان هێنە بەلاڤكرن. ئەڤرۆكە هەوا بەلاڤكرنا هاریكاریان هاتە راگەهاندن ودێ دەست پێ هێتە كرن و ئەڤرۆ ل ناڤ سەنتەرێ پارێزگەها دهۆكێ دێ هاریكاری هێنە بەلاڤكرن ودووڤدا دێ قەزا و ناحیان ژی هێنە بەلاڤكرن".
ماجد سید سالح، جێگرێ پارێزگەرێ دهوكێ راگەهاند كو ل دوڤ راسپاردێن مسرور بارزانی سەروكێ ئەنجومەنێ وەزیرێن هەرێما كوردستانێ بریار هاتبوو دان كو ئاهێن خارنێ ل سەر وان كێمدەرامەت وئەوێن پیشەیێن خو ژدەست داین، بهێنە بەلاڤكرن. ئەڤرۆكە ل دهۆكێ هەوا بەلاڤكرنا هاریكاریان هاتە راگەهاندن و لێژنەك ل سەر ئاستێ پارێزگەهێ هاتە پێك ئینان بۆ چێكرنا روپیڤەكێ ودەست نیشانكرنا خێزانێن كێمدەرامەت ل سەرانسەری پارێزگەهێ ڤێ لیژنێ بۆ دوو هەیڤا كاركر وشیاینە (50)هزار خێزانان دەست نیشانكەن".
ئاشكەرا كركو چار جورێن ئاهێن خارنێ (ئار – زەیت – مەعجوەنێ باجانێ ونیسك) هاتینە دابینكرن وئەڤرو مە هەوا بەلاڤكرنا ڤان ئاهێن راگەهاندن ول دەست پێكێ ل سەنتەرێ پارێزگەهێ وپاشێ ل سەر ئاستێ هەموو قەزا وناحیا دێ ب رێكا هندەك بریكارێن ئاهێن خارنێ هێتە بەلاڤكرن".
باسنیوز
