رێڤەبەرێ‌ فەرمانگەها ژینگەها دهۆكێ‌ دیار كر كو مە بریار دایە هەر پرۆژەكێ‌ بهێتە چێكرن، ئێدی رێژەكا كەسكاتیێ‌ بچینت ئەوژی ل گۆری جۆرێ پرۆژێ، بۆ نموونە هەر كەسەك وێستگەهەكا سۆتەمەنیێ‌ چێ كەت، پێدڤیە ب رێژا 10% كەسكاتیێ بچینت.

مەحمەد تاهر بریفكانی، رێڤەبەرێ‌ فەرمانگەها ژینگەها دهۆكێ‌ دیار كر كو: "نۆكە رێژا كەسكاتیێ‌ ل دهۆكێ‌ گەهشتیە دۆرێن 13%. ئەم یێ‌ كار دكەن ئەڤ رێژا كەسكاتیێ گەلەك بهێتە زێدەكرن دناڤ پارێزگەها دهۆكێدا، بۆ ڤی مەرەمێ ژی مە دەستپێكریە ژ پرۆژان هەر پرۆژەكێ‌ بهێتە چێكرن ژنۆكە و پێڤە پێدڤیە رێژەكا كەسكاتیێ بچینت. دێ ل سەر هەموو خودان پرۆژان هێتە بجه ئینان، بۆ هندێ‌ رێژا كەسكاتیێ‌ ل دهۆكێ‌ زێدەبكەین چونكو چەند كەسكاتی هەبیت ژینگەه زێدەتر پاقژ دبیت نەخاسمە هەوا گەلەك داروبارێ‌ پاقژ دبیت".

خۆیا ژی كر كو: "ئەڤ سالە بۆ بەرهەنگاریا حالەتێن سۆتنا ژینگەهێ ژی مە داخاز ژ رێكخراوا كریە هەڤكاریا مە بكەن وەكو سالا بۆری ل دهۆكێ‌ چەندێن هێلێن ئاگری هاتبوونە دروستكرن. نها ژی ئەم داخازێ ژ جۆتیاران دكەین بۆ پاراستنا دەخلۆدانێ‌ خوە هێلا چێكەن داكو بەرهەمێ‌ وان پاراستی بیت ژ هەر روودانەكا نەچاڤەرێكری.












باسنيوز