له ههولێر ئهنجامى 400 پشكنینى تایبهت به كۆرۆنا دهرچوو
ئهمڕۆ سێشهممه 28/4/2020، بەڕێوەبەرایەتیی تەندروستیی دەشتی ھەولێر ڕاگهیاندراوێكى له پهیجى فهرمیی خۆى، له تۆڕى كۆمهڵایهتیی (فهیسبووك) بڵاو كردهوه، تێیدا هاتووه: "لەلایەن دکتۆر ئهحمهد قادر پاڵانی، بەڕێوەبەری بەڕێوەبەرایەتیی تەندروستیی دەشتی ھەولێر بۆ دانیشتوانی تەلار سیتی لە کەسنەزان و کەمپی قوشتەپە و سنووری بەڕێوەبەرایەتیی تەندروستیی دەشتی ھەولێر، دوابەدوای ئهوهى دوێنێ تیمە تەندروستییەكانی بەڕێوەبەرایەتییەكەمان و تیمی تەندروستیی هەولێر، 400 سامپڵیان بۆ پشكنینى كۆرۆنا وهرگرت، ئەمەش پاش ئەوەی پێنج تووشبووى كۆرۆنا لە خێزانێکی دانیشتوانی تەلار ستی تۆمار كرا".
باس لهوهش كراوه: "كەمێك پێش ئێستا ئەنجامی پشكنینەكانمان بۆ هاتەوە و سەرجەمیان نێگەتیڤ و پاك دەرچوون، داوا لە هاووڵاتییانی خۆشەویستی تەلار سیتی و کەمپی قوشتەپە لە سنووری بەڕێوەبەرایەتییەكەمان دەكەین، لە جێبهجێكردنی ڕێنوێنییهكانى خۆپاراستن بەردەوام بن".
باسنيوز
