لە 48 کاژێری رابردوودا هیچ تووشبوویەکی کۆرۆنا لە هەرێمی کوردستان تۆمارنەکراوە
لە راگەیێندراوەکەی وەزارەتی تەندروستیدا هاتووە، شەش هەزار و 547 کەس لە کەرەنتین دەرچوون و ئێستاکە هەزار و 673 کەس لە 32 شوێنی جیاواز لە کەرەنتیندان بەمجۆرە:
هەولێر: 593 کەس
سلێمانی: 173 کەس
دهۆک: 878 کەس
راپەڕین: 29 کەس
وەزارەتی تەندروستی ئاماژەی بەوە کردووە، لە 24 کاژێری رابردوودا هەزار و 265 پشکنینی ڤایرۆسی کۆرۆنایان لە پارێزگاکان کردووە و هیچ تووشبوویەکی نوێ تۆمارنەکراوە.
تاوەکو ئێستا لە هەرێمی کوردستان 337 کەس تووشی ڤایرۆسی کۆرۆنا بوون، لەو ژمارەیە 268 تووشبوو چاکبوونەتەوە و چوار تووشبوویش بەو هۆیەوە گیانیان لەدەستداوە.
رووداو
