پەیامێک لە سەرۆکی حکومەتی هەرێمی کوردستانەوە بۆ ڕای گشتی کوردستان
ئەمڕۆ شەممە ١٨ی نیسانی ٢٠٢٠، مەسرور بارزانی، سەرۆکی حکوومەتی هەرێمی کوردستان رای گەیاند، لەم چەند رۆژەدا پەیام و نامەی زۆر کەسایەتی و لایەنی بەشداربووی ناو حکوومەت و دەرەوەی حکوومەت و لەوانەش تیمی وەزاریی یەکێتی نیشتمانیی پێ گەیشتووە.
ڕوونیشی کردەوە: “ئەوەی پێویست بێت لەم رۆژانە بۆ ئاشکراکردنی ڕاستییەکان باس کراوە، بۆیە پێویست بە بەردەوامیی وەڵام و وەڵامدانەوەکان ناکات”.
سەرۆکی حکوومەتی هەرێمی کوردستان جەختی کردووەتەوە کە هاووڵاتیانی هەرێمی کوردستان ماندوون و لە هاتنە کایەی ئەم بارودۆخە نەخوازراو و گرژییانە نیگەرانن. “هاووڵاتیانمان شایستەی ئەوەن زۆرترین خزمەتیان بکەین، نەک تووشی دڵەڕاوکێ بکرێن”.
دووپاتیشی کردووەتەوە کە “ئەرکی ئێمە، دەوڵەتداری و چارەسەریی کێشەکانە و دەبێت هەموو لایەک هاوکار بن، رێگە لە تەشەنەکردنی گرژییەکان بگیرێت. بۆ پێکهاتەکانی ناو حکوومەتیش، باشترین شوێنی گفتوگۆ و ڕاگۆڕینەوە، چوارچێوەی کۆبوونەوەی ئەنجوومەنی وەزیرانە و وەڵامی ئەو نامە و بۆچوونانەش لەوێ دەدەمەوە. هیوادارم هەموو لایەک دوور لە بەرژەوەندیی حیزبی، لە ئاست ئەرکی نیشتمانیمان بین تاکو پێکەوە ئەم قۆناغە سەختە تێپەڕێنین”.
ئەمەش دەقی پەیامەکەیە:
پەیامێک لە سەرۆکی حکومەتی هەرێمی کوردستانەوە بۆ ڕای گشتی کوردستان
لەم چەند رۆژەدا پەیام و نامەی زۆر کەسایەتی و لایەنی بەشداربووی ناو حکومەت و دەرەوەی حکومەت و لەوانەش تیمی وەزاریی یەکێتی نیشتمانیم پێ گەیشت. ئەوەی پێویست بێت لەم رۆژانە بۆ ئاشکراکردنی ڕاستییەکان باس کراوە ، بۆیە پێویست بە بەردەوامیی وەڵام و وەڵامدانەوەکان ناکات.
هاووڵاتیانی هەرێمی کوردستان ماندوون و لە هاتنە کایەی ئەم بارودۆخە نەخوازراو و گرژیانە نیگەرانن. هاووڵاتیانمان شایستەی ئەوەن زۆرترین خزمەتیان بکەین نەک تووشی دڵەڕاوکێ بکرێن.
ئەرکی ئێمە دەوڵەتداری و چارەسەریی کێشەکانە و دەبێت هەموو لایەک هاوکار بن رێگە لە تەشەنەکردنی گرژییەکان بگیرێت. بۆ پێکهاتەکانی ناو حکومەتیش باشترین شوێنی گفتوگۆ و ڕاگۆڕینەوە، چوارچێوەی کۆبوونەوەی ئەنجوومەنی وەزیرانە و وەڵامی ئەو نامە و بۆچوونانەش لەوێ دەدەمەوە. هیوادارم هەموو لایەک دوور لە بەرژەوەندیی حیزبی، لە ئاست ئەرکی نیشتمانیمان بین تاکو پێکەوە ئەم قۆناغە سەختە تێپەڕێنین.
مەسرور بارزانی
سەرۆکی حکومەت هەرێمی کوردستان
2020/4/18
باسنيوز
