خەیری سەیدۆ ئاوارەكێ‌ ئێزدی یە كەمپا چەم مشكو سنۆری پارێزگەها دهۆكێ‌ هاتیە ئاكنجیكرن دگەل خێزانا خوە ب ناڤێ‌ (شرین قاسم) دەست دایە دروستكرنا دەمامكا بێ‌ بەرامبەر لسەر خەلكێ‌ كەمپێ‌ بەلاڤ دكەت.

خەیری سەیدۆ، ئاوارەیێ‌ ئێزدی ل كەمپا چەم مشكۆ دهۆكێ‌ دیار كر كو: "دناڤ خێڤەتا خوە دا ل كەمپا چەم مشكۆ مە دورینگەهەك دانایە ئەز و هەڤژینا خوە (شرین قاسم) پێكڤە دناڤ دورینگەهێ‌ دا نوكە كاردكەین واری چێكرنا دەمامكا بۆ ئاوارین و هێزین ئەمنی یێن پاراستنا كەمپێ‌ رادبن رۆژانا ئەم دەمامكا دروست دكەین هەتا نوكە پتر ژ هزار دەمامكا بێ‌ بەرامبەر ل سەر خەلكێ‌ ئاوارە یێن ناڤ كەمپێ‌ دا و هێزین ئەمنی مە بەلاڤكرینە مە دڤیت هەڤكاریا دەزگەهێن تەندروستی ل دەڤەری بكەین وخەلكێ‌ مە پتر خوە بپارێزن ژ مەترسیا ڤایرۆسی كۆرۆنا".

خۆیا ژی كر كو: "هەر ژدەستپیكا پەێدابوونا ڤایرۆسی كۆرۆنا مە دورینگەها خوە دخێڤەتا خوە دا تەرخانكریە بۆ كاری خێرخوازی یێ‌ چێكرنا دەمامكا ئەم دێ‌ بەردەوام بن هەتا مەترسیا كۆرۆنا دووماهیێ‌ دهێت".










باسنيوز