وەزارەتی دارایی و ئابووریی حکومەتی هەرێمی کوردستان رایگەیاند، لە دابەشکردنی مووچەی فەرمانبەران بەردەوام دەبین، بەپێی ئەو خشتەی پێشتر راگەیێندراوە دابەشدەکرێت جگە لە خانەنشینی.

وەزارەتی دارایی و ئابووری ئاماژەی بەوە کردووە، لەبەر زۆریی ژمارەکەیان دابەشکردنی مووچەی خانەنشینکراوان خراوەتە چەند رۆژێک.

هاوکات عەباس ئەکرەم، گوتەبێژی وەزارەتی خوێندنی باڵا و توێژینەوەی زانستی راگەیاند، لەگەڵ لیژنەی ئۆپەراسیۆنەکان هاوئاهەنگی کراوە و سبەی یەکشەممە مووچەی وەزارەتی خوێندنی باڵا و توێژینەوەی زانستی دابەشدەکرێت.

نووسینگەی فرسەت سۆفی، پارێزگاری هەولێر رایگەیاند، سبەی یەکشەممە بۆ هاتووچۆکردن رێگە لە کارمەندی بانک و گەنجینەکان و فەرمانبەرانی وەزارەتی کاروباری کۆمەڵایەتی و خاوەن پێداویستییەتایبەتەکان ناگیرێت.

نووسینگەی پارێزگاری هەولێر ئاماژەی بەوە کردووە، لەبەر ئەوەی سبەی مووچەی وەزارەتی خوێندنی باڵا و توێژینەوەی زانستی دابەشدەکرێت، ئەوانەی پشتگیری یان ناسنامەی وەزارەتی خوێندنی باڵایان هەیە رێگەیان پێدەدرێت هاتووچۆ بکەن.












رووداو