ل دهۆكێ بانك و دامودەزگەه دهێن رەشاندن
مقدم بێوار عەبدولعەزیز، پەیڤدارێ رێڤەبەریا بەرەڤانیا باژێری ل دهۆكێ د داخویانیەكێ دا دیاركرن: ژ دوهی رۆژا شەمبی تا كو ئەڤرۆ ئەم بەدەوامین ل سەر كارێ رەشاندنا(بانكا) ل باژێرێ دهۆكێ و د هەمان دەم دا ئەو رێڤەبەریێن دەوام نها دا لێ دهێتە ئەنجام دان ئەو ژی دهێن رەشاندن.
هەمان پەیڤداری ئەو چەندە ژی گوت: ل باژێرێ دهۆكێ هژمارەكا بانكا مە رەشاندنە چونكە خەلك قەستا وەرگرتنا مووچەیا دكەت و بەراهیا خەلك قەست بكەتێ ئەم د رەشینین و پشتی خەلك ژ بانكێ دوماهی دهێن و دەردكەڤن ژی جارەك دی ئەم د رەشینین
ناڤبری گوت ژی: ژبلی بانكا هژمارەكا رێڤەبەریان ئەوێن نها دا ژ بەر كاری دەوام لێ دهێت ئەنجام دان ئەو ژی مە رەشاندنە و ژ دوهی تا ئەڤرۆ ئەم بەردەوامین و دێ تا رۆژێن داهاتی ژی بەردەوام بین.
مقدم بێوار عەبدولعەزیز، پەیڤدارێ رێڤەبەریا بەرەڤانیا باژێری ل دهۆكێ ئەو چەندە ژی ب رێكا(باسنیوز) نەڤەشارت: ژبلی سەنتەرێ دهۆكێ بریار هاتیە دان ل سەرانسەری هەمو قەزا و ناحیێن سەر ب پارێزگەها دهۆكێ ڤە هەمان رەنگێ سەنتەرێ دهۆكێ بانك و هندەك رێڤەبەری بهێن رەشاندن تا كو ژیانا خەلكی ژ مەترسیێ دویر بكەڤیت و د هەمان دەم دا ژ خەلكی دخازین پابەندی رێنمایێن حكومەتێ بن تا كو ئەڤ رەوشە ب سەر مە دا دەرباز ببیت.
باسنیوز
