هەڵمەتی دوورخستنەوەی ئاژەڵان لە ناو شار و روخاندنی سەدان هۆڵی ئاژەڵان لەناو شاری سۆران و دیانا دەستی پێكرد، لەمەودوا هەر ئاژەڵێك لە كۆڵان و شەقامەكانی شارەكە ببینرێ، دەستی بەسەردا دەگیرێت.


كرمانج عیزەت قایمقامی قەزای سۆران رایگەیاند لە بەردەوامیی رێنمایی و بڕیارەكانیان بۆ خۆپارێزی و دووركەوتنەوە لە هەر جۆرە نەخۆشیەك، هەڵمەتی نەهێشتن و بنبڕكردنی ئاژەڵە ماڵیەكان لە شاری سۆران و ناحیەی دیانا دەست پێكردووە و ئاژەڵدارەكان ئاگادار كراونەتەوە هەرچی زووە ئاژەڵەكانیان ببەنەوە دەرەوەی شارەكان و لەوێ‌ بەخێویان بكەن، هەروەها خاوەن پەلەوەرەكانیش بە هەمان شێوە، لەمەودوا هەر ئاژەڵێك لەناو شار ببینرێت دەستی بەسەردا دەگیرێت و لێپێچینەوەش لەگەڵ خاوەنەكەی دەكرێت.


قایمقامی سۆران راشیگەیاند جگە لە دوورخستنەوەی ئاژەڵەكانیان سەرجەم ئەو هۆڵ و شوێنانەی ئاژەڵەكانیان تێدا بەخێو دەكرێت دەڕوخێندرێ، كە لە سەنتەری شاری سۆران و دیانا هۆڵی لەم شێوەیە هەن كە بۆ ئاژەڵان بەكار دەهێنرێن.










باسنیوز