تیما فرۆكهڤانێن دهۆكێ رۆنكرنهكێ بهلاڤ دكهن
كاپتن سهرههنگ بهرۆارى، كاپتنێ تیما فرۆكهڤانێن ههوار هاتنێ ل پارێزگهها دهۆكێ د داخویانیهكێ دا دیاركرن: "ل چهند پهیجان ل تورا كومهلایهتى یا (فهیسبووك و ئینیستگرامى) ژلایێ چهند كهسان ڤه هاتیه بهلاڤ كرن، كو دێ دهۆك ب رێَكا فرۆكێن ههوار هاتنێ هێته تهعقیمكرن، بێ كو چ راستیهك بو ئهڤێ چهندێ ههبیت و خهلك توشى دوو دلیێ ببو و ههلبهت مافێ خهلى یه دوو دل ببن".
ههمان فرۆكهڤانى ئهو چهنده دوپاتكر: "خهلكێ خو پشت راست دكهین ئهو گوتنێن هاتینه گوتن و بهلاڤكرن ب ههمو رویهكێ ڤه دویرن ژ راستیێ و چ بنهما بو وان گوتنان نینه، خهلكێ خو پشت راست دكهین چ كارێن نهێنى ئهم بهرامبهر وان ئهنجام نا دهین و چ تهعقیمكرن ب رێكا فرۆكێن مه یێن ههوار هاتنێ ڤه ناهێته ئهنجام دان و ئهگهر رهوش گههشتبا وى ئاستى و پێتڤى وێ چهندێ كربا بهراهیا ههر تشتى دا، خهلك ب رێكا دهزگههێن راگههاندنێ هێنه ئاگههدار كرن، لێ خهلكى پشت راست دكهین چ راستى بو وان گوتنا نینه و یا فهره زوو ب زوو باوهرى ب گوتنێن سوشیال میدیایێ نهئینن".
باسنیوز
