قایمقامیەتی چەمچەماڵ: گومانی تووشبوون بە کۆرۆنا لە سنوورەکەدا هەیە، مەچنە دەرەوە
لە ئاگادارییەکەی لیژنەی بەرەنگاربوونەوەی کۆرۆنا لە چەمچەماڵ دا هاتووە، "تکایە هیچ کەسێک بەمەبەستی مەراسیمی ناشتن و پرسە سەردانی هیچ شوێنێک نەکات و لە ماڵەکانی خۆتان بمێننەوە".
کۆی گشتیی تووشبووانی کۆرۆنا لە کوردستان 54 تووشبوون، لەنێویاندا یەک کەس گیانی لەدەستداوە و 13 کەس بەتەواوی چاکبوونەتەوە. لە پارێزگای هەولێر تاوەکو ئێستا 10 کەس تووشی کۆرۆنا بوون.
وەزارەتی تەندروستی داوا لە هاونیشتمانییان دەکات پابەندی رێنماییە تەندروستییەکان بن و لە ماڵەکانیان بمێننەوە. لەکاتی پێویستیشدا پەیوەندی بە هێڵی بەپەلەی 122 بکەن.
دەقی ئاگادارییەکە:
ئاگاداری بەپەلە
ئاگاداری دانیشتوانی سنوری قەزای چەمچەماڵ دەکەین کە هەر ئەمڕۆ ۲۲/ ۳/ ۲۰۲۰گومانی توشبوون و گیان لەدەستدان بە ڤایرۆسی کۆرۆنا لە سنوراکەماندا هەیە ، تکایە هیچ کەسێک بەمەبەستی مەراسیمی ناشتن و پرسە سەردانی هیچ شوێنێک نەکات و لەماڵەکانی خۆتان بمێننەوە بۆ ئەوەی پارێزراوبن ...
لیژنەی بەرەنگاربوونەوەی ڤایرۆسی کۆرۆنا لە چەمچەماڵ
۲۲/ ۳/ ۲۰۲۰
رووداو
