بەرپرسی ڕاگەیاندنی قایمقامیەتی کەلار ئاماژه‌ به‌وه‌ ده‌دات، هاووڵاتییەکی دانیشتووی شاری کەلار، بەهۆی کڕینی گاز لە تانکەرە ئێرانیەکان خرایە دابڕگەی پزیشکییەوە.

هەردی سەرکەوت، بەرپرسی ڕاگەیاندنی قایمقامیەتی کەلار، ڕایگەیاند: "ئەمڕۆ پێنجشه‌ممه‌ 12/3/2020، هاووڵاتییەکی دانیشتووی کەلار، بەهۆی کڕینی گاز لە تانکەرە ئێرانییەکان، لە دابڕگەی پزیشکیی کەلار خرایە ژێر چاودێریی پزیشکییەوە".

گوتیشی: "سەرجەم هاووڵاتییانی سنووری کەلار ئاگادار دەکەینەوە، کە نابێت بە ھیچ شێوەیەک کڕین و فرۆشتن لەگەڵ بارهەڵگرە ئێرانییەکان بکەن، بە پێچەوانەوە هەمان مامەڵەیان لەگەڵدا دەکرێت و دەخرێنە دابڕگەی پزیشکییەوە".












باسنیوز