سەرۆکی لیستی پارتی دیموكراتی كوردستان له‌ ئه‌نجومه‌نی پارێزگای هه‌ولێر ئاشکرای کرد، ئەنجوومەنەکە بە مەبەستی پێداچوونەوە بە ڕێنوێنییەکانی تایبەت بە خۆپاراستن لە بڵاوبوونەوەی کۆرۆنا، کۆدەبێتەوە.

كه‌نعان خه‌یلانی، سەرۆکی لیستی پارتی دیموكراتی كوردستان له‌ ئه‌نجومه‌نی پارێزگای هه‌ولێر رايگەیاند، هاتوچۆی خه‌ڵك له‌ شوێنه‌ گشتییه‌كان لە نێو شاری هه‌ولێر كه‌مبووەتەوە و ”لە ئاستی هەولێر جێبەجێکردنی ڕێنماییەکانی تەندروستی باشە، به‌ڵام جه‌ختكردنه‌وه‌ی باشی ده‌وێت، چونكه‌ هێشتا ده‌بینین لێره‌ و له‌وێ كۆبوونه‌وه‌ هه‌یه‌ و ئاهەنگی بووک گواستنەوە هەیە“.

هۆشداریشی دا کە دەبێت خەڵکی زیاتر ئاگادار بن. بۆیە ”ئەمڕۆ ئەنجوومەنی پارێزگای هەولێر کۆدەبێتەوە و پێداچوونەوە بە ڕێنماییەکان دەکات، هەروەها بۆ ئەوەیە کە خەڵکی ئاگادار بکەینەوە تا پابەندی ڕێنماییەکان بن“.

ئەوەشی ئاشکرا کرد کە ڕێکاری توند و خێراتر دەگیرێتە بەر، چونکە ”ئه‌م نه‌خۆشییه‌ چاره‌سه‌ری نییە، چاره‌سه‌ر ئه‌وه‌یه‌ خۆپارێزی بكرێت".












باسنيوز