قوربانییانی هێرشەکانی ڕووسیا بۆ سەر کیێڤ دەگەنە ١٨ کەس
لە دوایین شەپۆلی هێرشەکانی ڕووسیا بۆ سەر پایتەختی ئۆکرانیا، ١٨ کەس کوژران و زیاتر لە ٩٠ کەسی دیکەش بریندار بوون.
هێرشەکان لە کاتژمێرەکانی سەرەتای ڕۆژی پێنجشەممە 2ی تەمموزدا ڕوویانداوە و قوربانییەکان بریتین لە منداڵان، فریاگوزاری و شۆفێری ئەمبولانس.
ڤۆلۆدیمیر زێلێنسکی، سەرۆکی ئۆکرانیا ڕایگەیاند، ڕووسیا نزیکەی 70 مووشەکی – نیوەیان بالیستی- و 500 فڕۆکەی بێفڕۆکەوانی هێرشبەری، لەنێویاندا فڕۆکەی بێفڕۆکەوانی چاودێری، بەرەو کیێڤ هەڵداوە.
بە وتەی ناوبراو لە هێرشەکاندا بینای نیشتەجێبوون و وێستگەیەکی ئەمبولانس و ناوەندێکی توێژینەوە و هۆتێل و ژمارەیەک شوێنی بازرگانی کراونەتە ئامانج.
زێلێنسکی ئاماژەی بەوەشکرد، سیستەمی بەرگری ئاسمانی ئۆکرانیا توانیویەتی ژمارەیەکی زۆر مووشەک و فڕۆکەی بێفڕۆکەوان ڕێگری بکات، بەڵام هەموویان ڕانەگیراون.
لەبەرامبەردا وەزارەتی بەرگری ڕووسیا ڕایگەیاند، شوێنی سەربازی و دامەزراوە وزە و فڕۆکەخانەی کیێڤ کراونەتە ئامانج.
وەزارەتەکە بانگەشەی ئەوەی کردووە کە ئۆپەراسیۆنەکە لە وەڵامی هێرشەکانی ئۆکرانیا بۆ سەر ژێرخانی مەدەنی ڕووسیا ئەنجامدراوە.
ئەمە دووەم هێرشی گەورەی ڕووسیایە بۆ سەر پایتەختی ئۆکرانیا لەمساڵدا و سەرۆکی شارەوانی کیێڤ ڕۆژی هەینیی بە ڕۆژی ماتەمینی نیشتمانی لەو شارەدا ناساند.
گوڵان: سەردار خەلیل
