تورکیا کوژرانی فەرماندەیەکی باڵای پارتی کرێکارانی کوردستان (پەکەکە)، رادەگەیەنێت.

ئەمڕۆ سێشەممە 25-2-2020، ئاژانسی (ئەنادۆڵ)ی فەرمیی تورکیا بڵاوی کردووەتەوە، کە سوپا بە هاوکاریی دەزگای هەواڵگری (میت)، یەحیا دومەن، فەرماندەی پەکەکەی کوشتووە.

هەروەک ئاژانسەکە بڵاوی کردووەتەوە، یەحیا دومەن بەرپرسی پەکەکە بووە لە سنووری مەخموور - کەرکووک و لە شنگال کوژراوە.

یەحیا دومەن لە ساڵی 1993 بووەتە پەکەکە و بەشداریی چەندین شەڕی ئەو حزبەی لەگەڵ سوپای تورکیا، کردووە.












باسنيوز