ئەندامێكی پەرلەمانی كوردستان ئاشكرای كرد كە بەرنامە هەیە مۆنۆمێنێـكی نیشتمانی لە شاری هەولێر دروست بكرێت.

سەوسەن محەمەد، ئەندامی پەرلەمانی كوردستان لە فراكسیۆنی پارتی دیموكراتی كوردستان ڕايگەیاند: "لە هەرێمی كوردستان لە چەند ناوچەیەك مۆنۆمێنت دروست كراوە كە گوزارشتە لە قوربانیانی ئەو ناوچەیە، بەڵام بەهۆی كەموكورتی و دوریانەوە تا ئێستا نەبوونەتە شوێنێك بۆ ئەوەی شاند و تیمە بیانییەكان كە سەردانی هەرێمی كوردستان دەكەن بچنە ئەو مۆنۆمێنتانە و لە نزیكەوە ستەمدیدەیی كورد ببینن".

گوتیشی: "بۆ ئەو مەبەستە حكوومەتی هەرێمی كوردستان، بەرنامەی هەیە مۆنۆمێنتێكی نیشتمانی لە ناوەندی شاری هەولێر دروست بكات، بە جۆرێك زۆرترین بەڵگە و دۆكیۆمێنتی قوربانییەكانی كوردی تێدا كۆ بكرێتەوە و بكرێتە ڕەمزی قوربانیدانی كورد".

بە گوتەی ئەو پەرلەمانتارە بەهۆی ئەو مۆنۆمێنتەوە كەیسی ئەنفال و قوربانییەكانی كورد بە شێوەیەكی خێراتر دەچێتە پێشەوە.











باسنيوز