دهەڤدیتنەكێدا ب ئامادەبونا بەهزاد عەلی ئادەم، جێگرێ‌ پارێزگەرێ‌ دهوكێ‌ و قایمقامێ‌ قەزا دهوك و رێڤەبەرێ‌ گشتی یێ‌ باژێرڤانیا و سەروكێ‌ باژێرڤانیا دهوكێ‌ بەحسێ‌ رەوشا پارێزگەها دهوكێ‌ و ئاكنجیێن وێ‌ وهەڤسنوریا پارێزگەهێ‌ یا جوگرافی دگەل دەوبەرا و دەولەمەدنیا وێ‌ ب كەرەستێن خوەزایی و كار و پروژێن حكومەتا هەرێما كوردستانێ‌ یێن پەرەپێدانا پارێزگەهێ‌ هاتە كرن.

دتەوەرەكێ‌ دندا بەحسێ‌ هەڤكاری و هاریكاریێ‌ دناڤبەرا باژێرڤانیا باتمانێ‌ و باژێرڤانیا دهوكێ‌ و سازیێن دی ل پارێزگەهێ‌ كرن و ئالوگوركرنا كار و چالاكیێن رەوشەنبیری و كلتوری و تەندورستی و سەربورێن ئاڤەدانی و پەرەپێدانێ‌ دناڤبەرا سازیێن باژێرڤانیا باتمانێ‌ و پارێزگەها دهوكێ‌ هاتە كرن.

پارێزگەرێ‌ دهوكێ‌ خوشحالیا خو ب سەرەدانێ‌ دیار كر و ب پشتەڤانیا كارگێریا پارێزگەهێ‌ نیشان دا بو هەر هەڤكاری و هاریكاریەكێ‌ بو وێ‌ یەكێ‌ باژێرڤانیێن هەردوو لا مفای ژسەربورا هەڤدوو ببینن و پەیوەندیێن رەوشەنبیری و كلتوری و تەندورستی و جڤاكی دناڤبەرا هەردوو لایەناندا بهێنە پێشئێخستن.










باسنيوز