راكان جبووری، پارێزگای سەپێندرای كەركووك هەوڵی ڕووخاندنی دەیان دووكانی كاسبكارانی بازاڕێكی شاری كەركووك دەدات.

عەلی ئەنوەر، دووكاندارێكی بازاڕی "لەیلانە" لە حەویجە ڕايگەیاند: "ئەمڕۆ سێشەممە 21/1/2020 وەكوو دووكاندارەكانی بازاڕی لەیلان لە شاری كەركووك گردبوونەوەیەكی ناڕەزاییمان لەدژی هەوڵی رووخاندنی دووكانەكانمان لەلایەن ئیدارەی كەركووكەوە ڕێک خست".

گوتیشی: "بازاڕەكە زیاترە لە 150 دووكانە و بژێوی ژیانی دەیان خێزانی لەسەرە، ساڵانێكی زۆرە لێرە كار دەكرێت و ئێستاش بەمەبەست هەوڵی ڕووخاندنی ئەو دووكانانە دەدەن بۆ ئەوەی ئەو خەڵكە بێكار بكەن".

خاوەنی دووكانەكان لە كورد و عەرەب و توركمان پێكدێن، لەدژی هەوڵی رووخاندنی دووكانەكانیان دەڵێن ئەوان بەردەوام دەبن لە هەوڵەكانیان تاوەكوو دووكانەكانیان نەڕووخێندرێت.











باسنيوز