سەرلەبەیانی ئەمڕۆ هەینی، بەهۆی ڕووداوێكی هاتوچۆوە لەسەر ڕێگای خانەقین ـ شارەدێی سەعدیە دوو هاووڵاتی گیانیان لەدەست دا و هاووڵاتییەكی دیكەش بریندار بوو.

شێخ ئەحمەد زەرگوشی، بەڕێوەبەری شارەدێی سەعدیە ڕايگەیاند: "سەرلەبەیانی ئەمڕۆ 17/1/2020، لەسەر ڕێگای خانەقین ـ شارەدێی سەعدیە، ئۆتۆمبێلێكی جۆری پرادۆ وەرگەڕاوە و بەو هۆیەوە 2 هاووڵاتی گیانیان لەدەست داوە و هاووڵاتییەكی دیكەش بەسەختی بریندار بووە".

گوتیشی "بریندارەكە بۆ چارەسەركردن ڕەوانەی نەخۆشخانەی گشتیی بەعقووبە كراوە".

ڕوونیشی كردەوە: "بەهۆی ڕووداوەكەوە زیانێكی زۆر بەر ئۆتۆمبێلەكەش كەوتووە".










باسنيوز