سەعدون موراد قاسم، موختاری گۆندی حەردان ل قەزا شنگال دیار كر كو زڤرینا عەرەبان بۆ گۆندی گرشەبەك ل شنگال ل سەر مە هاتە فەرزكرن ئەم هاتنە نەچار كرن ژلایێ هێزین عێراقی ڤە بۆ زڤرینا عەرەبان مە گوتە دەزگەهیێن ئەمنی ل شنگال ئەم رازی نابن عەرەب ڤەگەرن، چونكو وان زۆرداریێ ل مە كرن و كچ و ژن و زارۆیێن ئێزدیان گرتن و كوشتن، لێ ب مە نەهاتە كرن بێ ئاگەهداریا مە عەرەب هاتنە ڤەگوهاستن بۆ گۆندی گرشەبەك ل حەردان لەورا ترس بو ئیزدیان دروست بووە و خەلكێ ئێزدی نەشیان بزڤرنە مالێن خوە و بتنی 20 مالێن ڤەگەریاینە، یێن ئێزدیان ئەوژی ب چەكێ خوە زێرەڤانیا خوە دكەن".
خۆیا ژی كركو: "ل جینوسایدا شنگال دۆرین 400 كەسێن خەلكێ گۆندی حەردان ژ هەردوو رەگەزان هاتنە گرتن و رەڤاندن و بیسەروشونكرن و بەری تیرۆرستێن داعش هیرشی سەر حەردان بكەن دۆرین دو هزار كەسان ل گۆندی ژیان هەتا نوكە دۆرێن 20 مالان یێن زڤرینە حەردان یێن دیتر هیشتا نەشیاینە ڤەگەرن".
باسنيوز
