حکومەتی هەرێمی کوردستان دەیەوێت زیادەڕۆیی لە بەکارهێنانی کارەبا نەهێڵێت، لەو چوارچێوەیەشدا، لە دهۆک دەست بە دانانی پێوەری زیرەکی کارەبا کرا.

بڕیارە لە ماوەی 18 مانگدا ملیۆنێک و 500 هەزار پێوەر بۆ ماڵ و دووکانەکان دابندرێن.

حکومەت 300 ملیۆن دۆلاری بۆ تەواوکردنی پرۆژەی پێوەری زیرەک بتەرخانکردووە و لەو رێگەیەوە دەیەوێت کاژێرەکانی پێدانی کارەبا بە هاونیشتمانییان زیادبکات.

هاونیشتمانییانی دهۆکیش بەشێکیان دانانی پێوەرەکە بە کارێکی باش دەزانن و بەشێکیشیان دەڵێن، گومانیان لە جێبەجێکردنی پرۆژەکە هەیە.