سۆران كامەران پەیامنێری كوردستان24 لە كەركووك رایگەیاند: "كەمێك پێش ئێستا خاڵە گومرگییەكانی نێوان كەركووك و ھەولێر و سلێمانی ھەڵگیران، كە پێشتر بە بڕیارێكی حكوومەتی عێراق دانرابوون".

بەپێی رێككەوتنی نێوان ھەرێمی كوردستان و بەغدا، پێشتر بڕیار درابوو ئەو خاڵە گومرگییانە لابدرێن، كە لەنێوان شارەكانی كەركووك و ھەولێر و سلێمانی دانرابوون.

لە دوا كۆبوونەوەكانی نێوان شاندی ھەرێمی كوردستان و حكوومەتی عێراقدا بڕیاردرا، كە پێناسی گومرگی ھەرێم و عێراق وەك یەكی لێبكرێت.





K24