داوا دەکرێ سەرۆک بارزانی لە دیاریکردنی ئایندەی کورد لە سووریا ڕۆڵ بگێڕێت
لە دیدارەكەدا شاندی میوان سوپاسی هەڵوێستەكانی سەرۆك بارزانیان كرد لە پاڵپشتیكردن و پەرۆشی بۆ بارودۆخ و ژیان و گوزەرانی خەڵكی سووریا لە شەڕ و قەیرانە قووڵەكانی ساڵانی ڕابردوو و وێڕای جەختكردنەوە لە پێگە و كاریگەریی سەرۆك بارزانی لە چارەسەركردنی كێشەكان، داوایان كرد سەرۆك بارزانی ڕۆڵی هەبێت لە سەرخستنی ئەو هەوڵانەی كە بۆ چارەسەركردنی قەیرانی سووریا و ئاییندەی كورد لە سووریا لە ئارادان.
هەر لەو دیدارەدا بیروڕا لەبارەی هەڵوێستی وڵاتانی زلهێز و دوایین پێشهاتە سیاسییەكانی سووریا، هەروەها بڕیاری پاشەكشەی هێزەكانی ئەمریكا لەو وڵاتە ئاڵوگۆڕ كرا و جەختیش لە هاوكاری و هەماهەنگی هەموو لایەك كرایەوە بۆ ئەوەی گرفتەكان لە ڕێگەی سیاسی و بەشێوازی دیالۆگ و لێكتێگەییشتن چارەسەر بكرێت.
هاوکات ڕۆشناییش خرایە سەر ڕۆڵی لایەنە سیاسییە كوردییەكانی سووریا بۆ چارەسەركردنی كێشەكان و تێپەڕاندنی قەیرانەكان.
باسنيوز
