گرتیێن دهۆكێ ل دۆر پەیداكرنا كاری دهێنە راهێنان
عرفان محەمەد ئەمین، بەرپرسێ راگەهاندنا رێڤەبەریا چاكسازیا مەزنان ل پارێزگەها دهۆكێ دیار كر، ئەڤ خۆلە بۆ وان دادگەهكریان هاتیە ڤەكرن یێن ل دەمەكێ نێزیك پشتی چەند مەهێن دی، دێ ژ چاكسازیێ دەركەڤن، بۆ هندێ بشێن ب زووترین دەم بۆ خوە كارەكی پەیدا بكەن و سەركەفتنێ د كارێ خوە دا ببینن.
ئاشكرا ژی كر كو ئەڤ خۆلە بۆ جارا ئێكێیە لدۆر ڤی بابەتی ل رێڤەبەریا چاكسازیا مەزنان ل دهۆكێ دهێتە ڤەكرن. خۆل ب ناڤێ كاب (kab) پێناسە بۆ جیهانا كاران (Know about business) . ئەڤ خۆلە دێ شارەزایی د كاران دا بۆ مرۆڤی دیاركەت دا مرۆڤ پێشكەفتنێ دكارێ خۆدا وەربگریت ، ئەڤە ژی مە هژمارەكا دادگەهكریێن ماوێ دادگەهكرنا وان كێم مایی، ژێ گرتینە بۆ وێ چەندێ لدەمێ دەردكەڤن ژ چاكسازیێ مفایێ وەربگرن و كارەكی بكەن و سەركەفتنێ تێدا ببینن.
باسنيوز
