ژ ئه‌گه‌رێ وێ باران بارینا د ماوێ (24) ده‌مژمێرێن بورى دا ل چه‌ندین ده‌ڤه‌رێن هه‌رێما كوردستانێ بارى، ل سنورێ پارێزگه‌ها دهوكێ هند رێكێن سه‌ره‌كى هاتنه‌ گرتن ژ ئه‌نجامێ كه‌فتنا كه‌ڤر و به‌ران ژ ده‌وروبه‌رێن جادان بو سه‌ر جاده‌یان ، رێڤه‌به‌ریا هاتن و چوونا پارێزگه‌ها دهوكێ ژى ئاگه‌هداریه‌كاێ بو شوفێران به‌لاڤ دكه‌ت



موقه‌دم، ئازاد تاها ، به‌رپرسێ راگه‌هاندنا رێڤه‌به‌ریا هاتن و چوونا پارێزگه‌ها دهوكێ دا دیاركرن: "دوهى ژ ئه‌گه‌رێ بارینا بارانێ، هند جاده‌ هاتنه‌ گرتن چونكه‌ كه‌ڤر و به‌ر كه‌فتبونه‌ ل سه‌ر جادێ و ئه‌ڤێ چه‌ندێ ئاریشه‌ بو شوفێران دروستكربو".



گۆتژی: "تیمێن مه‌ رۆژێن بورى چه‌ندین جاده‌ ژ كه‌ڤر و به‌ران پاقژ كرنه‌ و به‌رده‌وام مه‌ ئاگه‌هى ل سه‌ر ره‌وشا جاده‌یان هه‌یه‌ و بو هه‌مان مه‌به‌ستێ ئه‌م هه‌مى شوفێرێن پارێزگه‌ها دهوكێ ئاگه‌هدار دكه‌ین كو مه‌ هژماره‌كا (موبایلێ) ته‌رخانكریه‌ و هه‌ر رویدانه‌كا كه‌فتنا كه‌ڤران هه‌بیت ئه‌و دشێن مه‌ ئاگه‌هدار بكه‌ن بو وێ چه‌ندێ تیمێن مه‌ بگه‌هنه‌ جهێ رویدانێ و گوت ژى: ئه‌و هژمارا مه‌ ته‌رخانكرى (07514038369) مه‌ ته‌رخانكریه‌ و دخازین هه‌ر جاده‌كا بهێت گرتن شوفێر مه‌ ئاگه‌هدار بكه‌ن دا كو تیمێن مه‌ بگه‌هن وى جهى و جادێ ژ هه‌ر نه‌خوشیه‌كێ پاقژ بكه‌ن".
bas news-