بڕیارە سبەی پێنج شەممە، ٣١ی ١ی ٢٠١٩، شاندێکی سیاسیی پارتی دیموکراتی کوردستان سەردانی کۆمەڵی ئیسلامیی کوردستان و یەکگرتووی ئیسلامیی کوردستان بکات.

بڵند ئیسماعیل، بەرپرسی لقی 16ی پارتی دیموکراتی کوردستان ڕايگەیاند، شاندەکە شاندێکی سیاسی دەبێت و سبەی سەردانی هەریەک لە کۆمەڵی ئیسلامی و یەکگرتووی ئیسلامی دەکات.

جەختیشی لەوە کردەوە کە لەو کۆبوونەوانەی سبەیدا پرسی پێکهێنانی کابینەی نوێی حکوومەتی هەرێمی کوردستان قسەی لەبارەوە ناکرێت.

ماوەیەکی زۆرە کۆمەڵی ئیسلامی چاوەڕوانە شاندێکی پارتی سەردانیان بکات و پێشتر عەبدولستار مەجید، سەرکردەی باڵای کۆمەڵی ئیسلامی ڕای گەیاندبوو کە ئەگەر هەر شاندێکی پارتی بە مەبەستی باسکردنی پێکهێنانی حکوومەتیش نەبێت، سەردانی کۆمەڵ بکات، ئەوان پێشوازی لێ دەکەن.












باسنيوز