دەزگای رۆشنبیری و راگەیاندنی پارتی دیموكراتی كوردستان له‌ راگه‌يه‌ندراوێكدا،، په‌ژاره‌ى خۆى بۆ كۆچى دوايى نووسه‌ر و رۆژنامه‌نووس سه‌عيد يه‌حيا ده‌ربڕى و رايگه‌ياند، (سەعید یەحیا خەتات)كادیرێكی شارەزاوبەتوانای راگەیاندن و كەسایەتیەكی قاڵبووی بواری رۆژنامەنووسیی بوو، هەروەها لەرێی بەرهەم ونووسین و چاپكراوەكانی خزمەتێكی زۆری كولتورورۆشنبیریی كوردی كردووە.

پێش نیوه‌ڕۆی ئه‌مڕۆ، دووشه‌ممه‌ 28/1/2019، سه‌عید یه‌حیا خه‌تات، نووسه‌ر و وه‌رگێڕ و سه‌رنووسه‌ری گۆڤاری "صوت الاخر" كه‌ به‌ زمانی عه‌ره‌بی بڵاوده‌كرایه‌وه‌ و جێگری پێشووی سه‌رنووسه‌ری رۆژنامه‌ی "خه‌بات" عه‌ره‌بی كۆچی دوایی كرد.

له‌ به‌شێكى ديكه‌ى راگه‌يه‌ندراوه‌كه‌دا هاتووه‌: بە كۆچی دوایی ئەو رۆشنبیرونووسەرە، كەلێنێكی دیكە كەوتە نێو بواری رۆشنبیریی و راگەیاندن.
k24-