بە گوتەی بەڕێوەبەری بەڕێوەبەرایەتیی بەرگریی شارستانیی هەولێر، نیوەڕۆی ئەمڕۆ لە ڕۆیاڵ مۆڵی هەولێر، بەهۆی تەقینەوەی بۆیلەرێک، فەرمانبەرێکی مۆڵەکە گیانی لەدەست داوە.


لەمبارەوە عەمیدی پۆلیس شوان عەبدولقادر، بەڕێوەبەری بەڕێوەبەرایەتی بەرگری شارستانی هەولێر ڕایگەیاند: "نیوەڕۆی ئەمڕۆ دووشەممە 2019.1.28 بەهۆی تەقینی بۆیلەرێک (تانکیی گەرمکەرەوەی گیزەر) کە گەرمی بەسەر مۆڵەکەدا دابەش دەکات، بووەتە هۆی سووتانی کارمەندێکی مۆڵەکە کە کوردە خەڵکی زاخۆیە و بەو هۆیەوە گیانی لەدەست داوە، تەنیا ئەو قوربانیە هەیە."



ئاماژەی بەوەش کرد: "ئێمە ڕێگر بووین بۆ ئەوەی مۆڵەکە ئاگر نەگرێت، لەبەر ئەوەی زۆر نزیک بو لە بارەگای بەڕێوەبەرایەتییەکەمان، بۆیە خێرا ئاگرەکەمان کۆنترۆڵ کرد، لێکۆڵینەوەکانمان دەستی پێ کردووە کە هۆکاری تەقینەکە بزانین و دەگەینە ئەنجام".



ڕۆیاڵ مۆڵ بینا و بازاڕیکی چەند قاتییە و لە نزیک بەرزە پردی شەقامی شۆڕش و شەقامی 60 مەتریی هەولێرە.






باسنيوز